Charter Document - 03880126
| Charter Number: | 03880126 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1252 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Berhtoldus dei gracia Patauiensis ecclesie episcopus iudicibus et mutariis suis presentibus et futuris tam Patauie quam et in aliis locis circa Danubium et Enum consistentibus graciam suam et omne bonum Scire uos uolumus quod dilectis in christo fratribus abbati et conuentui de sancta cruce in Austria concessimus ut in omni possessionis nostre loco naues duo talenta salis de ligamine quod Schefpant dicitur deferentes singulis annis per Danubium descendentes ab omni exactione sint libere Vobis ergo precipiendo mandamus ne ab ipsorum nauibus dictos sales deferentes neque thelonium neque mutam nec de transitu quod Wrvart appellatur neque ullius iuris nomine quicquam exigatis aut exigi permittatis et in sortem pensionis nostre quidquid de nauibus supradictis uos recepturos speraueritis nobis computetis Si quis forte de Austria aut etiam de uectoribus eiusdem salis alicui nostrorum aliquid debuerit propter hoc abbas et conuentus sancte crucis in nullo grauentur aut molestentur sed res eorum libere abire permittantur Et ut hec nostre donationis indulgentia ecclesie dicti conuentus debeat inuiolabiliter obseruari eandem robore litterarum presentium confirmamus quas et ipsi ecclesie damus in testimonium et cautelam Datum apud Wiennam anno domini MCCLII In circumcisione domini pontificatus nostri anno secundo