Charter Document - 03880125
| Charter Number: | 03880125 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | |
| Date: | 1252 - 1262 |
| Date type: | Assigned |
| Resource Link(s): |
Monasterium.net |
Charter:
Ego Bertholdus marschalcus de Trewen tenore presencium profiteor et protestor quod ad uocationem domini regni Boemie ducis Austrie et marchionis Morauie ad Austriam deueni ibique aliquamdiu demoratus infirmitatem incidi et ad extrema deueni et in castro cognati mei Chunradi Matzonis in Ror tale testimonium ordinaui vt bona que mihi a domino duce Karinthie debentur videlicet CXXX marce pro domo murata et XIIII mansis et I molendino in Steyn petitione et procuratione domini ducis Austrie Leutoldo de Lihteneck assignentur meis seruientibus distribuenda pro sua fidelitate et tremenda iudicii dei retributione Item domino duci Austrie castrum meum in Steckilberc deputaui vt pro sua salute et honestate filium meum in Noua Civitate pro expensis quas ibidem feci dignetur liberare et de reliquo meis pueris et seruientibus subuenire Preterea bona mea que in Weyckensdorf habui domui sancte crucis ubi sepulturam elegi totaliter delegaui de quibus Ditricus officialis de Newnburch testimonium tenebitur perhibere Constat etiam domino Alberoni de Arberch Vlrico de Habichspach Chunrado Matzoni et Heinrico dapifero de Greytzenstein quod Wernhardus de Ruspach bona eadem uoluit comparare cui fratres de sancta cruce IIII talenta dabunt et dicta bona libere perpetuo possidebunt