Charter Document - 03880123
| Charter Number: | 03880123 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ne quod rationabiliter agitur processu temporis a memoria mortalium elabatur honestorum uirorum et scripture solet testimonium subuenire Sciant igitur tam posteri quam presentes quod cum lis uerteretur inter dominum et venerabilem abbatem sancte crucis in Austria nomine Pertholdum et conuentum eiusdem loci ex una parte et ex altera inter nobilem dominam nomine Agnetem de Sewenstein super quibusdam campis pratis siluis ortis trans flumen quod dicitur Leita iuxta uillam Vvlfelinsdorf in parte Vngarie sitis ego Heinricus pincerna de Habspach consentiente utraque parte decidi litem tali pacto quod predictus abbas et conuentus persoluerunt memorate domine Agneti X talenta wiennensis monete et eadem domina renunciauit omni iuri quod uidebatur ibidem habere in predictis et etiam in arvndineto non prenominato tam in iure dotali quam in pheodalibus et in non pheodalibus exceptis hiis que specificantur litteram per presentem videlicet prato quod dicitur Vronwis dimidio et prato quod dicitur Tevffenwis dimidio cum lignis domui sue et pascuis animalibus suis necessariis que debet diebus uite sue possidere post mortem uero eius nec marito nec liberis nec aliqua occasione obstante debent hec omnia redire ad monasterium sancte crucis pleno iure Et ut ista permaneant in posterum inconcussa presentem paginam duxi sigilli mei munimine roborandam hiis videlicet testibus adnotatis domino Ottone decano de Newenburc domino Henrico plebano de Pruke domino Ottone de Haselowe domino Alberto de sancta Petronella domino Heinrico de Howenvelde Sifrido de Chranicperch Stuhsonibus Dietrico Stephano et Vlrico Rinderschinchone de Prellenchirchen Scheuhone de Owe domino Kalocho Vbelmanno domino Ottone de Lengenbach domino Ottone de Enzinstorf domino Irnfrido de Swabdorf domino Pilgrimo de Willendorf domino Diepoldo de Trvtmansdorf domino Ottone milite de Vulflinsdorf Retterio domino Leupoldo de Entzinsdorf Sifrido de Medelico et fratre suo Livpoldo domino Livpoldo de Winden Metzelone Gerungo de Arweitztal Gebhardo de Fvennddorf Gerwico sagitario Heinrico de Altinberc Eberhardo de Swabdorf Vvlfingo de Trvtmansdorf Perhardo iudice Rudolfo officiali ciuibusque in Prvke Wolfgero Leberio Selbgero Wichardo in fossa et Rudolfo fratre suo Huglone notario Ego pincerna et Agnisa rogamus prenominatos ut huius actionis testes sint nostri causa Hec acta sunt in Pruke anno domini MCCLVI nonas Maji