Charter Document - 03880122
| Charter Number: | 03880122 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
Monasterium.net |
Charter:
Nos Rudolfus iudex cum vniuersitate ciuium noue Ciuitatis vniuersos presens scriptum intuentes scire cupimus quod vniuersi heredes Hugonis de Voesendorf pie memorie omne ius quod in vinea Wernhardi fabri dicti Chregel nostri conciuis sita in monte Gumpolstchirchen habuerunt dicto Wernhardo et eius vxori Perhte nomine uendiderunt pro decem talentis denariorum monete wiennensis tali condicione quod prefatus Wernhardus et Perhta ipsius vxor iam dicta cum prefata vinea libere possent facere omne beneplacitum ipsorum voluntatis Adicimus etiam quod supradictus Wernhardus et eius vxor Perhta prefatam vineam si legitima causa eos non impedieret pro remedio animarum suarum et etiam fraternitate fratrum sancte crucis claustro et conuentui sancte crucis post obitum ipsorum libere et perhenniter possidendam contulerunt Et vt hec promissio firma permaneant in posterum litteras presentes sigillo comunitatis ciuium nostrorum fecimus roborari Testes huius facti sunt isti Wernhardus de Dreschirchen Wernherus Vischle Hermanus granarius Alexander magister Rudolfus Eberhardus notarius Polzilo carnifex et alii fide digni