Charter Document - 03880112
| Charter Number: | 03880112 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1246 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis amen Cum diminute sint ueritates a filiis hominum aliena per calumpniam querentium ego Otto dictus Tyrso precauere uolens future contentionis molestiam in factis meis memoria dignis notum facio vniuersis presentem paginam inspicientibus quod quatuor mansos meos tres in Gnadendorf et unum in Nidernleizze annuatim V talenta soluentes dilectis dominis meis venerabili abbati Pilgrimo et conuentui sancte crucis contuli manu potestatiua de pleno et pio consensu uxoris mee Agnetis et Hartungi fratris mei aliorumque parentum meorum tali sponsione recepta de domino abbate et cellerario quod in die omnium sanctorum dabitur conuentui plenum seruicium in piscibus simila caseis et uino meliori singulis annis sublata qualibet occasione inexcusabili et suspecta Porro ipsi fratres in uia mandatorum diuinorum currentes deuote oracionis hostiam salutarem pro me ac pro meis progenitoribus tanto attentius offerre dignabuntur quanto uberius experti fuerint affectus mei beneuolentiam cum effectu Ad huius rei certam euidentiam presentem paginam exinde conscriptam sigillo meo diligentius roboraui Actum anno gracie MCCXLVI Indictione IIII