Charter Document - 03880091
| Charter Number: | 03880091 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1237 |
| Date type: | Internal, A.D. |
| Resource Link(s): |
Monasterium.net |
Charter:
Capitulum ecclesie Jauriensis omnibus presentes literas inspecturis salutem in domino Vniuersorum noticie duximus declarandum quod accedens ad presentiam nostram Baka jobagio castri Supprunensis de genere Kurth cum quodam consanguineo suo nomine Buda tam pro se quam pro aliis cognatis suis testimonium perhibente protestatus est coram nobis quod sex annis iam elapsis quandam possessionem suam uidelicet partem quam habebat in uilla Enud uidelicet terram ad quinque aratra cum feneto nemore et molendino continente tres molas metis distinctam a porcionibus consanguineorum suorum contulisse monasterio de monte sancte Marie pro remedio anime sue iure perpetuo possidendam consencientibus cognatis suis nec in aliquo contradicentibus cuius terre metas tales esse nominauit Prima meta est ut dixit sub molendino super aquam Rabucha deinde tendit superius iuxta eandem aquam ad locum qui dicitur rotundum pratum ad metas eiusdem monasterii et ibi facit angulum deinde per quandam antiquam uiam que dicitur Cetheven vadit et peruenit ad quemdam montem ubi est meta con terminalis cum meta ecclesie supradicte vnde tendit uersus partem Orientalem et con terminatur cum meta ville Prusna et inde venit ad vineam Buda ubi est meta et sic per domum eiusdem Baka iuxta quam est meta reuertitur ad priorem metam Et ut hec talis donacio memoriter teneatur nec ab heredibus ipsius B uel cognatis eius processu temporis possit retractari ad peticionem utriusque partis dantis et recipientis litteras testimoniales sigilli nostri inpressione munitas concessimus eidem monasterio perpetuo ualituras Datum anno gracie MCCXXXVII