Charter Document - 03880089

Bela dei gracia rex Hungarie uniuersis presentem paginam inspecturis salutem et omne bonum Cum inter nos ex parte et ecclesiam de sancta cruce in Austria Cisterciensis ordinis ex altera occasione reuocande perpetuitatis esset exorta dissensio tandem ob reuerentiam dei et admonitionem sedis apostolice terras quasdam et possessiones eis dimisimus quarum nomina sunt hec terram que uocatur curia regis iuxta aquam Saar et medietatem terre byssenorum que dicitur Leguentov quam terram eis metauit cum uineis comes Hoholdus ex nostro precepto Volumus etiam liberos eos in portis in pontibus et in omnibus locis regni nostri siue importando sua que ad comunem usum fratrum deferunt siue exportando nostra donaria uidelicet pisces pro conuentu sales lanam agnos caseos siue annonam uel certe frumentum ad usum conuentus ab omnibus tributariis tricesimariis illesos in perpetuum permanere bona fide promittentes supradicta prefate ecclesie integraliter obseruare et facere obseruari Vt autem hec nostra compositio rata et inconuulsa permaneat presentem cartam duplici sigillo nostro fecimus roborari et statim dum sigillum priuilegi ale habuerimus omnia supradicta in nostrum priuilegium redigemus si ipsi nobis restituerint priuilegia que habent super hiis que nobis dimiserunt saluis libertatibus et emunitatibus ecclesie sancte crucis Actum anno gratie MCCXXXVI in uilla Petur Warad in vigilia beatorum apostolorum Symonis et Jude