Charter Document - 03880088
| Charter Number: | 03880088 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1236 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gratia dux Austrie et Stirie et dominus Carnyole omnibus christifidelibus ad quos presens scriptum peruenerit salutem Ad notitiam universorum volumus pervenire quod nos intuitu dei precipue et ob reverentiam sanctorum in monasterio sancte crucis quiescentium necnon propter merita ac servitia Egilolfi eiusdem coenobii abbatis hanc gratiam dicto monasterio fecimus ut ipse et monasterium villam Svoltz cum omnibus attinenciis perpetuo possideat sine lite quam villam dux Heinricus de Medelico olim possederat et nos sibi successimus in eadem Et ne aliquis successorum nostrorum predictam donationem valeat revocare presentem cartam pro testimonio sibi dedimus sigillorum nostrorum munimine roboratam Datum in Medelico XV kalendis Novembris anno domini MCCXXXVI