Charter Document - 03880085
| Charter Number: | 03880085 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1236 |
| Date type: | Assigned |
| Resource Link(s): |
Monasterium.net |
Charter:
Rudegerus dei gracia Patauiensis episcopus Judicibus et movtariis suis tam Patauie quam in aliis locis circa danubium consistentibus graciam suam et omne bonum Scire vos uolumus quod abbati et conuentui de sancta cruce concessimus ut in omni possessionis nostre loco nauis vna cum sale ipsorum singulis annis per danubium descensura ab omni exactione sit libera Vobis ergo precipiendo mandamus ut de sale memorati conuentus neque theloneum neque mvtam nec de transitu quod vvrvart appellatur neque ullius iuris nomine quicquam exigatis aut exigi permittatis Si quis forte de Austria aut etiam de uectoribus eiusdem salis alicui nostrorum aliquid debuerit propter hoc abbas et conventus sancte crucis in nullo grauentur aut molestentur sed res eorum libere abire permittantur