Charter Document - 03880077
| Charter Number: | 03880077 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1235 |
| Date type: | Internal, Calendar, Papal |
| Resource Link(s): |
Monasterium.net |
Charter:
Gregorius episcopus seruus seruorum dei dilectis filiis abbati Scotorum sancte Marie in Vienna preposito et decano de Neunburch Patauiensis diocesis salutem et apostolicam benedictionem Ex parte dilectorum filiorum abbatis et conuentus monasterii sancte crucis Cisterciensis ordinis nobis est oblata querela quod Wernherus miles Watiensis diocesis quoddam predium quod dicitur Paumgarten quod quondam Corradus de Alta miles eidem monasterio pia liberalitate donauit contra iustitiam detinet et eis restituere contradicit Quare discretioni uestre per apostolica scripta mandamus quatinus partibus conuocatis audiatis causam et appellatione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gratia odio uel timore subtraxerint per censuram eandem appellatione cessante cogatis ueritati testimonium perhibere Quodsi non omnes hiis exequendis potueritis interesse duo uestrum ea nichilominus exequantur Datum Perusii nonis Februarii pontificatus nostri anno octauo