Charter Document - 03880073
| Charter Number: | 03880073 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1233 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Ego Heinricus de prunne omnibus presentes litteras inspecturis in perpetuum Quoniam instar aque in mare decurrentis omnes in mortem dilabimur tanto magis necesse est future nobis uite subsidia prospiciamus quanto citius presentis uite commoda perdimus uel inuiti Igitur ut omnium bonorum que in sancta cruce fiunt cum uxore mea et liberis merear fieri largiente domino communicator conuentui domus eiusdem contuli predium quoddam in gebendorph situm cum assensu liberorum meorum quod talentum soluit annuatim Preterea de bursa mea aliud talentum statui largiendum donec iam dicto conuentui competens predium quod singulis annis talentum soluat ualeam assignare quam sane pecuniam ante exaltationem sancte crucis statui exsoluendam ut in ipsa sollempnitate pro remedio anime mee parentumque meorum conuentus exinde habeat consolationem Insuper si quid michi iuris in tercia parte decime in drumowe competere uidebatur cum filiis et heredibus meis per omnia relaxaui ne quisquam illorum huius decime exactione post meam mortem ipsum monasterium ualeat perturbare Huius rei gracia ubicumque in prouincia defunctus fuero si nemo alius michi forte manum apposuerit sepe dictus conuentus suis inpendiis meum ad se corpus tranferet ut apud ipsum humatur eiusque orationibus adiutus beatam expectet resurectionem Acta sunt hec anno ab incarnatione domini MCCXXX III kalendis Septembris