Charter Document - 03880069
| Charter Number: | 03880069 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1232 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis amen F dei gracia dux Austrie Stirie et dominus Carniole uniuersis christi fidelibus salutem in perpetuum Scripturarum memoria solent eternari que geruntur in nostris temporibus ut firma et inconuulsa permaneant Nam sepe tollit obliuio quod scripture non roborat firmitudo Ea propter presenti priuilegio omnium christi fidelium tam modernorum quam posterorum memorie transmitto quod pro remedio anime patris mei ducis Liupoldi felicis memorie de consilio uirorum prudentum mihi adstipulantium uillam nomine Toupbeczze cum redditibus eius pratis scilicet siluis agris cultis et incultis pascuis longe et prope positis homines censuales et cum omnibus appenditiis predicte uille et dimidium beneficium in Velgen super aram beate uirginis Marie in cella sollempni oblatione delegaui et fratribus inibi deo militantibus perpetuo possidendum contradidi apposita tali conditione quod ius patronatus ad me et meum successorum absque omni exactione et lesione personarum spectabit Verum ne in posterum de tam sollempni donatione possit suboriri calumpnia sigilli mei munimine uolui roborari et subscribi testes quorum nomina sunt hec Abbas Waltherus Medilicensis Leupoldus scriba Comes Chunradus de Hardek Dietmarus liber de Potenstein Hainricus de Prunne Irenfridus de Himperch et fratres sui Chunradus et Vlricus Wichardus de Arnestein Otto de Otenstein qui misit eos in corporalem possessionem Duringus uenator Marquardus uenator Acta sunt hec in Chrotenuelde anno ab incarnatione domini MCCXXXII Indictione V XI Kalendas Augusti Data per manum notharii Leupoldi