Charter Document - 03880052
| Charter Number: | 03880052 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1225 |
| Date type: | Internal, A.D., Calendar |
| Resource Link(s): |
Monasterium.net |
Charter:
C miseratione diuina portuensis et sancte rufine episcopus apostolice sedis legatus dilectis in christo abbati et conuentui sancte crucis patauiensis diocesis salutem in salutis auctore Justis petentium desideriis dignum est nos facilem prebere consensum et uota que a rationis tramite non discordant effectu prosequente complere Ea propter uestris iustis precibus inclinati compositionem litis que inter uos ex una parte et abbatem et conuentum ex altera super possessionibus quibusdam et decimis diu fuerat agitata factam per nobilem virum Levpoldum ducem Austrie de comuni consensu parcium prout in publico instrumento ipsius ducis plenius continetur sicut iuste et rationabiliter est facta auctoritate legationis qua fungimur confirmamus et presentis scripti patrocinio communimus Nulli ergo omnino hominum liceat hanc paginam nostre confirmationis infringere uel ausu temerario contraire Siquis autem hoc attemptare presumpserit indignationem omnipotentis dei et beatorum apostolorum ipsius se nouerit incursurum Datum apud sanctam crucem anno MCCXXV kalendis Aprilis