Charter Document - 03880045
| Charter Number: | 03880045 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1222 |
| Date type: | Internal, A.D. |
| Resource Link(s): |
Monasterium.net |
Charter:
Ego A dei gracia rex Hungarie omnibus presens scriptum inspecturis notum facio quod abbati ecclesie sancte crucis in Austria super terram bissenorum nomine Leguentou quam eidem per priuilegium contulimus talem concessimus libertatem quod de triginta mansionibus hominum quos ipse abbas super eandem terram collocauit nullam exaccionem uidelicet nec liberos denarios nec pondera nec tributum nec aliquam pensionem que succedente tempore in nostro regno emergere possent alicui persoluat sed remota condiccione qualibet tota illa pensio ad usus abbatis predicte ecclesie colligatur et Chibriones uinearum que ibi ab eisdem triginta mansionibus facte fuerint etiam eidem abbati totaliter recipiantur Concessimus etiam quod domos et curiam et cellarium quas ipse abbas in Musunio construxit sic liberrimas esse uolumus quod nullus tributariorum uel monetariorum aut aliquorum exactorum eas aliquatenus in aliquo molestare seu aggrauare presumpmat Et ut huius rei concessio tam nostris quam etiam nostrorum successorum temporibus salua semper et inconcussa permaneat presentem concessimus paginam duplicis sigilli nostri munimine in perpetuum roboratam Anno dominice incarnationis Millesimo ducentesimo XX secundo