Charter Document - 03880037

In nomine sancte trinitatis et indiuidue unitatis Andreas dei gracia Hungarie Dalmatie Chroatie Rame Seruie Gallicie Lodomerieque rex in perpetuum Munificentie regalis inmensitas licet etiam ad extraneos usque quaque dilatari debeat ad illos tamen copiosius manum pietatis debet porrigere qui et temporalium bonorum impensu sibi fideliter obsecuntur et in offerendis orationum sacrificiis pro pace regis et regni deo iugiter ac deuote famulantur Nos itaque prout regie circumspectionis eruditio nos ammonet ecclesiarum christo militantium curis diligenter intendentes diuine pietatis intuitu terram quandam nomine Leginthov quam bisseni prius incolebant abbatie sancte crucis de Austria contulimus in perpetuum possidendam In cuius terre possessionem expulsis clericis super eam indebite commorantibus per nostrum pristaldum fidelem et dilectum Pottonem comitem abbatem et monachos eiusdem ecclesie legitime fecimus introduci Cuius terre mete sic incipiunt Prima meta incipit ante domum mathic iuxta uillam Leginthov uersus occidentem que per uiam antiquam recto tramite dirigitur ad secundam metam in ipsa planicie Post hanc est tertia meta nichillominus iuxta predium mathye contra septentrionem in colle per huius uero deuexum processus parumper seceditur uersus orientem trans uallem que longua nuncupatur peruenit ad quartam metam contiguam predio mathic inter uillam Chertis et Leginthov ad septentrionem reflexa Postea dilatatur ad orientem donec quintam pertingat metam in confinio dictarum uillarum sicque protenditur ad sextam et hec est in latitudine tercia Inde angustatur in ualle contra meridiem ad metam septimam de qua protinus ad orientem porrigitur ultra predium Dosch ad metam octauam Ab hac contra meridiem reducitur ad nonam et hec est secunda ex parte predii Dosch Huic continuatur tertia collateralis predio dicti Dosch Hanc etiam secuntur due com marginales dicti predii Dosch Hinc procedens per uallem recrescit in collem et ibi similiter est meta Hinc tendit ad caput uinearum predicti Dosch inde procedendo in planicie iuxta predictas uineas est meta a qua non longe in publica strata est meta sicque demittitur paululum ad duodecimam in strata contra muson et ita partim uersus orientem contrahitur usque ad decimam tertiam contiguam predii sepe dicti Dosch unde protinus ad meridiem prolongatur ad metam decimam quartam iuxta predium petri filii Esau De cetero uersus orientem protenditur ad decimam quintam et ibi sexta metis clericorum terra ab ipsis bissenis uendita includitur Postea uero duas habet metas inter Evzi et Dosch denique quatuor alias habet metas ad predium Dosch et fertis unum habens ab Oriente alterum a meridie Sicque producitur ad vigesimum octauum postremo parum curtatur ad septentrionem contra leginthov et statim relaxatur ad occidentem nec non ad predium sepe dicti mathic latitudo descripte uille leginthov terminatur sed longitudo tribus adhuc metis a septentrionali plaga concluditur Istud etiam non est pretereundum silentio quod propter anime nostre remedium donationem de tribus milibus Zvanorum quos nostrorum antecessorum patris atque fratris regum inclyte memorie diligens pietas dicto monasterio contulerat iterato auctoritatis nostre priuilegio confirmamus ita uidelicet ut extra rationem et fisci nostri compotum a salinariis preter quorumlibet exactionem tributorum auxilio Suprunensis comitis annuatim in Suprun ad festum sancti regis iure perpetuo libere persoluantur Verum quia quod deo datum est sanctum est id est irreuocabile ut hec a nobis supradicte terre nec non a nostris antecessoribus salium facta donatio nostris nostrorumque successorum temporibus salua semper et inconcussa permaneat presentem concessimus paginam sigilli nostri munimine in perpetuum roboratam Datum per manus Hugrini magistri regie aule cancellarii anno dominice incarnationis millesimo ducentesimo septimo decimo venerabili Johanne Strigoniensi reuerendo Bertoldo Colocensi archiepiscopis existentibus Kalano quinque ecclesiensi Wilhelmo Vltrasiluaniensi Desiderio Chenadiensi Petro Geurgiensi Roberto Wezprimensi Thoma electo Agriensi Stephano Zagrabiensi Jacobo Vaciensi Symone Waradiensi episcopis feliciter ecclesias gubernantibus Jula palatino Bancone bano Dionisio Tauarnicorum magistro Ochvz curiali comite Rophaym voiauoda ceterisque comitibus comitatus tenentibus Regni nostri anno tercio decimo