Charter Document - 03880034
| Charter Number: | 03880034 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1212 |
| Date type: | Assigned |
| Resource Link(s): |
Monasterium.net |
Charter:
Notum sit omnibus tam presentibus quam futuris christi fidelibus quod ego Herbordus de Landeche pro remedio anime mee et uxoris mee et omnium progenitorum meorum fratribus qui in sancta cruce deo seruiunt mansum unum in Diepoldesdorf et uineam unam in der Einoede sitam libere et absolute contuli tempore domini Hainrici abbatis sancte crucis ea uidelicet conditione ut eisdem fratribus et omnibus eorum successoribus omni tempore quo ipsum claustrum durauerit in uigilia annunciationis dominice simila uino ac bonis piscibus annuatim sine omni prorsus excusatione seruiatur et singulis annis meus aut posterorum meorum nuncius in illa die presens sit ut uideat si hoc fiat Ceterum tempore domini Wernheri eiusdem sancte crucis abbatis in presentia domini mei iunioris Liupoldi ducis Austrie eiusdem mansi et uinee aduocatiam atque omne ius aduocati super altare sancte Marie in sancta cruce delegaui Preterea cum ad sanctum Jacobum ire disponerem audientibus amicis atque hominibus meis designaui et aliam uineam sitam in Kaltenberge uersus Veselowe ipsaque sepe dictis fratribus in sancta cruce cum consensu filie mee et generi mei Irnfridi delegaui ita ut post mortem meam illam sine contradictione possideant uinumque quod in ea nascitur omnibus annis nusquam nisi in eorum cellarium in sancta cruce deferatur ipsisque semper post quinque septimanas una die quo uinum aliunde non habent de illo uino detur et hoc fiat in perpetuum Huius rei testes sunt hii Irnfridus gener meus Rudolfus de Potendorf Hainricus de Prunne Hainricus Uitulus Otto de Leuben Marquardus de Uelven Rapoto et alter Rapoto milites mei Gotfridus dispensator meus Chunradus de Kirchperch et Ortolfus frater eius Chunradus Cink Vlricus Wezzel de Potendorf Hugo de Aspinstorf