Charter Document - 03880018
| Charter Number: | 03880018 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | |
| Date: | 1190 - 1210 |
| Date type: | Assigned |
| Resource Link(s): |
Monasterium.net |
Charter:
In nomine sancte et indiuidue trinitatis Notum sit omnibus christi fidelibus tam presentibus quam futuris quod ego Wichardus de Zebingen tradidi cuidam hospitali iuxta cenobium fratrum in nomine Jesu christi congregatorum in loco qui dicitur ad Sanctam Crucem videlicet Ebersprunnen XIIII beneficia cum octo curtis et ius in monte vinearum ad reditum unius talenti cum quodam nemore Addidi quoque vineam vnam Saze sitam et curiam Hvrenawe mihi pro decem talentis invadiatam intuitu tantum diuini amoris in elemosinas et in refugium pavperum Preterea dignum duxi neminem fratrum ibi degentium nullumque familiarem huic elemosine substitui sed quemcumque alienum debilem siue languidum diuina dispensacio illuc perduxerit illum operibus misericordie ibi volo refocilari Sed quia quod semel racionabiliter factum est etiam semper debet esse inconuulsum presentis scripti pagina ne quis hoc infringere presumat memorie fidelium comendo Quicumque vero exigue huic elemosine per uiolenciam aliquid subtraxerit sciat se vinculo anathematis obligatum et nisi restituerit iram supremi judicis sine spe recuperationis incurrere Huius rei testes sunt Eccebertus de Pernekke et filius eius Vlricus Otto comes de Velburch Fridericus comes de Hohenburch comites de Hardecce Wichart de Sevelt Hademar de Chvnringen Otto de Haselawe Vlrich Strvne Perhtolt de Arnsteine Vlrich Fvhs Ainwich Arnolt Warmunt Chadolt