Charter Document - 03880007

Liupoldus diuina fauente clementia dux Austrie cunctorum christi fidelium presenti universitati et future posteritati pacem et quietem in perpetuum Quandoquidem superne dispositionis gratia in locum illustrissimi patris pie memorie Heinrici ducis heres succedere et principatum merui obtinere dignum arbitratus sum et michi meisque per omnia salutare quatinus paternam circa venerabilia loca et devotionem et liberalitatem in nobismetipsis excolere et ad tam pie ac magnifice virtutis exemplar nos studeamus omnimodis informare Unde quoque nobis visum est annuente et simul tradente germano meo karissimo Heinrico necnon et dilectissima matre nostra Theodora conferre monasterio Sancte Crucis et fratribus deo illic jugiter famulantibus aliquam partem silve in qua idem monasterium situm fore dinoscitur optantes ut deus et dominus omnipotens qui devotum numquam offerentis spernit affectum anime christianissimi patris nostri Heinrici ducis requiem et reliquis parentibus nostris regni sui concedat beatitudinem michi quoque ac fratri meo simulque amplectende matri nostre et Helene contectali mee ac soboli nostre sanitatem tribuat et incolomitatem et in regendis subditis pacem pariter ac tranquillitatem Hoc ipsum vero quod de prefata silva antedicto monasterio Sancte Crucis dare complacuit manu potestativa delegauimus eidem venerabili loco ita tamen ut nequaquam extirpetur nec stabula pecorum aut apiaria illic collocentur prefigentes ei terminos videlicet a Priventanne per ascensum montis qui vocatur Husrucke usque ad initium fossati quod vocatur Radingsgrabe et abinde per viam que in eo quod vulgo dicunt ecke perducit in Holarbrante et idipsum Holarbrante et inde per retro Holarbrante inter duos fontes duorum rivulorum quorum unus dicitur Putenbach alter vero Swinbach per viam dirigentem usque ad locum cui nomen est Wurzwalle per transeuntibus eam quam vocant Hermanneswarte usque ad fossatum cui vocabulum datum est fossatum monachorum ad ejus scilicet initium et per ipsius descensum usque in Waltsattelbach et per ipsius quoque descensum usque in campum Quia vero ministeriali nostro Wichardo de Arnsteine ad quem custodia eiusdem saltus attinet aliquod ex hoc accessisse videbatur detrimentum placuit fratribus sepefati monasterii Sancte Crucis dare eidem Wichardo vineam unam locatam in villa que vocatur Voesendorf et agros quos ipsi illic possidebant quatinus neque ab ipso neque a liberis ejus pro jure beneficii ullam aliquando sustinere debeant molestiam Verum ut hec nostra donatio rata semper maneat et inconvulsa conscriptionem hanc nostri sigilli impressione roboramus Testes hujus rei Otto de Aschaim Albero de Chunringen et filius ejus Hademarus Wichardus de Sevelde Hugo de Ottenstaine Poppo de Gnage et frater ejus Ulricus de Chungesbrunne Hugo de aigne Wichardus de Arnstaine et filius ejus Perhtoldus Chunradus de Riede Lutwinus de Sunnenberg Albertus de Pfaffsteten Ulricus de Vihehouen Otto de Purchartesdorf et filii ejus Rapoto et Heinricus Ulricus dapifer et filius ejus Ulricus