Charter Document - 03870021
| Charter Number: | 03870021 |
|---|---|
| Cartulary Title: | Geras Stiftsarchiv Urkunden 1188 - 1992 [1350] |
| Charter Language: | Latin |
| Charter Origin: | Religious |
| Charter Type(s): | Investiture |
| Date: | 1292 |
| Date type: | Internal, A.D., Feast |
| Resource Link(s): |
Monasterium.net |
Charter:
Theodericus dei gracia Olomucensis ecclesie episcopus Notum facimus vniuersis presentes litteras inspecturis Quod nos ad presentationem et peticionem honorabilis et religiosi viri Domini Chunradi abbatis monasterii Jerocensis discretum uirum Rudigerum presbiterum ordinis premonstratensis exhibitorem presencium in ecclesia parochiali in Mislowe in qua idem dominus abbas plenum ius obtinet patronatus uacante per mortem domini Alberti presbiteri eiusdem ordinis premonstratensis quondam ipsius ecclesie plebani rectorem legitimum instituimus et plebanum ipsam sibi cum omnibus iuribus suis et vniuersis pertinenciis auctoritate ordinaria confirmantes et ei curam animarum ibidem et administracionem spiritualium et temporalium prout ad nostrum spectat officium committentes In cuius rei testimonium presentes sibi dari mandauimus litteras sigilli nostri appensione munitas Datum in Olumucz anno domini Millesimo ducentesimo nonagesimo secundo In die Sancti Galli confessoris