Charter Document - 03870018
| Charter Number: | 03870018 |
|---|---|
| Cartulary Title: | Geras Stiftsarchiv Urkunden 1188 - 1992 [1350] |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1274 |
| Date type: | Internal, A.D., Feast |
| Resource Link(s): |
Monasterium.net |
Charter:
Bruno dei gracia Olumucensis episcopus Dilecto in Christo abbati M Trebecen salutem cum sincera in domino caritate Conquestus est nobis dilectus in Christo Vlricus venerabilis abbas Jerocensis quod dominus M ipsum a possessione iuris patronatus ecclesie in Ranzir eiecerit violenter nullo iuris ordine observato Quare dilectioni vestre auctoritate presencium committimus et mandamus quatenus si ita est dictum abbatem Jerocensem in possessionem dicte ecclesie reponatis contradictores per censuram ecclesiasticam compescendo Et ut tunc secundum mandatum priorum litterarum ad instanciam prefati M in iudicio procedatis faciendo iustitiam utrobique Datum in Chremsyr anno Domini MCCLXX quarto feria quarta ante dominicam letare iherusalem