Charter Document - 03870017
| Charter Number: | 03870017 |
|---|---|
| Cartulary Title: | Geras Stiftsarchiv Urkunden 1188 - 1992 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1269 |
| Date type: | Internal, A.D., Feast |
| Resource Link(s): |
Monasterium.net |
Charter:
Quoniam gesta hominum processu temporum a memoria eorum sepius labuntur necessarium uidetur ea que pii homines pro animarum suarum salute ac remedio solent agere scripture testimonio stabiliri Nos igitur Heinricus comes de Hardekke presentium testimonio notum facimus tam presentibus quam futuris quod Arnoldus ciuis noster de Pulka in remedium anime sue uineam quandam sitam circa Pulka ecclesie beate ac gloriose uirginis Marie in Jerus libere legauit et ipsam uineam uenerabili Domino Vlrico eiusdem ecclesie abbati ac suo conventui per manus nostras et iudicis nostri de Pulka Chvnradi qui magister est montis libere resignauit Et nos ipsam uineam predicte ecclesie a quorumlibet inpeticione manutenere promisimus ac tueri In cuius rei testimonium presentem litteram scribi et sigillo nostro fecimus roborari Datum Winne ao dni MCCLXVIIII proxima feria secunda post dominicam palmarum Hujus rei testes sunt hii Dnus Vlricus de Grvnenbach Dnus Chvnradus de Purchdorf Dnus Meinhardus de Durrenbach Dnus Otto Grecus de Freitschlaren Pertholdus de Enchenprune Heinricus de Voitsprune Chvnradus iudex de Pulka Grifo Gerhardus Sifridus Lemberslint Heinricus Hevnger et alii quam plures