Charter Document - 03860135
| Charter Number: | 03860135 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1296 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinricus dei gracia abbas totusque conventus fratrum monasterii Chotwicensis tenore presencium profitemur et constare volumus universis quod de uno iugere sito in fundo ecclesie Nevnburgensis in vineam dicta In dem Weingraben versus longam vineam quod emimus a discreto viro Gebhardo notario tenemur quinque urnas vini crescentis ibidem tam pro iure montano quod in vulgari perchrecht dicitur quam pro decima persolvere annis singulis ad hospitale ecclesie Nevnburgensis Et si servicium huiusmodi per duos annos continuos per nos neglectum vel omissum fuerit quoquam modo ipsum iuger ad memoratum hospitale Nevnburgense cum integritate omnimoda devolvetur vendendi vero et obligandi sepe dictum iuger seu in personas alias iure simili transferendi plenam facultatem habemus dummodo per manum hospitalarii Nevnburgensis quicquid talium fecerimus confirmetur In cuius rei testimonium evidens et cautelam presentes litteras dedimus ecclesie Nevnburgensi sigillorum nostrorum impressionibus communitas Huius rei testes sunt fratres nostri Otto prior Petrus cantor Wichardus Helnwicus Chunradus Eberhardus Walchunus Albero plebanus Sancti Viti Helnwicus Fridricus sacerdotes Andreas et Cholomannus fratres de Steyn Chunradus de Hvernpach Engelshalcus de Furt Chunradus et Vlricus ibidem et alii multi Datum in Chotewico anno domini MCC nonagesimo VI Mathie apostoli