Charter Document - 03860133
| Charter Number: | 03860133 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1296 |
| Date type: | Internal, A.D. |
| Resource Link(s): |
Monasterium.net |
Charter:
Nos Hadmarus dei gracia Nevnburgensis ecclesie prepositus ad noticiam tam presencium quam futurorum volumus pervenire quod cum Elyzabet vidua relicta Waltheri quondam civis nostri venerabilibus abbati et conventui in Inferiori Altha sancti Benedicti ordinis domum in inferiori foro annexam strate ample et vineam eidem domui contiguam quartane continentem in suo testamento pro salute anime sue et dicti mariti sui ac aliorum progenitorum suorum ordinasset nos in continenti ad preces eiusdem vidue predictis religiosis domum et vineam memoratas contulimus emphyteotico iure quod purchreht volgaritera nuncupatur de quibus servient nobis annis singulis in festo sancti Martini duodecim denarios et de tribus placitis in anno sex denarios loco voytreht de fructibus quoque vinee eiusdem nobis decima persolvetur In huius rei testimonium atque robur prefatis abbati et conventui damus presentes sigilli nostri munimine confirmatas Datum in Nevnburch V idus marcia anno domini MCCXCVI