Charter Document - 03860131

Ich Margret von Streitwesen und mein sun Heinrich und auch mein tachtaer Agnes von Vendorf veriehen und tun chunt allen den di disen brief ansehent di nu sint und hernach chuenftich werdent daz wir mit gutem willen haben oufgenomen unsers rechten aigens daze Goznich saechzik pfenning guelt von Gerlahen und zwai und vierzikh guelt pfenning von oerdweinen di si vor von uns ze rechtem lehen habent gehabt und haben diselben guelt gegeben durch got dem erbaern abte und der s[amnung]a ze Chotweig also daz wir desselben aigens ir sherm und ir gewaer sullen sein Daz aber di sache staet und unzebrochen ebichleich beleib haben wir gegeben dem vorgenantem abte und der samnung ze Choetweig disen brief bewerten mit unsern insigeln ze urchuend und ze staetung Diser sache sint ziug her Wichart der pfarraer von Neleub her Ott und sin pruder her Marquart di Haevslaer von Wildenstein Wernhart Ditreich und Wuelfinch von dem Haevslein Cholman und Andre von Stein Chvnrat von Hvernpach Engelshalch von Fvrt Heinrich von Stain und ander piderb laeut Der brief ist gegeben und geshriben daze Stein do von Christes geburt waren tousent iar zwai hundert iar an dem vier und niunzkistem iar an sand Cholmanstag