Charter Document - 03860128
| Charter Number: | 03860128 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
[Ich Gerdrawt von Veundo]rf tun chunt allen den di disen brief ansehent di nu sint und her[nach kuenftig sind daz]a ich minen guten willen darzu han gegeben daz mein mu fro Margret [von Streitwesen] durch ir notdurft hat verchauffet dem abt und der samnung von Choetweig [ir] aigens siben hofstet daze Goeznich darouf leit ein pfunt gelts an zwelf pfenning und gib darueber dem gotshause von Choetweig disen brief versigeltn mit mines wirtes insigel hern Wolfharts von Vendorf daz die sache staet und unzebrochen ebichleichen beleib Diser sach sint ziug her Ott und her Marquart di pruder von Wildenstein Wernhart Wuelfinch und Ditreich von dem Haevselin Chvnrat ven Hvornpach Cholman und Andre von Stein Engelschalich von Furt Vlreich und Chvnrat doselben und ander biderb laeut Der brief ist gegeben daze Vendorf do von Christes geburt waren tousent iar zwai hundert iar an dem vier und niunzkistem iar an sand Vlreichstag