Charter Document - 03860126
| Charter Number: | 03860126 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1293 |
| Date type: | Internal, A.D. |
| Resource Link(s): |
Monasterium.net |
Charter:
In nomine domini amen Notum sit tam presentibus quam futuris litterarum presencium inspectoribus quod cum ego Otto dictus Piber venerabilem in Christo patrem ac dominum Heinricum abbatem monasterii sancte Marie in Choetwico pro redditibus XIII arearum sitarum in Goznich quos idem dominus abbas a domino Rugero de Prant et sua uxore mea sorore dicta Margareta sui monasterii nomine comparaverat impeterem et ex informacione virorum discretorum nullum ius in prenominatis bonis me habere recognoscerem renunciavi et cessi bona voluntate omni actioni et iuri quod michi in prelibatis possessionibus et ipsorum accidenciis conpetere videbatur obligans me ad tutelam et defensionem prestandam quod vulgariter gwer et scherm dicitur si Rugerus frater meus aut Benedicta soror mea vel aliquis coheredum meorum in posterum occasione alicuius litis prenominatum dominum abbatem aut suum monasterium pro bonis prescriptis impetere forsitan voluerit aut presumet In cuius rei testimonium presentes litteras sigillo domini Vlrici de Capella et sigillo proprio ipsi domino abbati et suo monasterio tradidi consignatas Testes sunt dominus Pilgrimus de Cappella canonicus Pataviensis dominus Chunradus frater suus dominus Otto de [Celking dominiis] Otto de Schonek dominus Ludwicus dea Celking dominus Otto et dominus Marquardus fratres de Wildenstain dominus Wernhardus de Russpach dominus Dittricus de Weizenberch dominus Georius de Weizenberch item Wernhardus Dittricus Wlfingus fratres de Hevslein item Chunradus Hurnpech Albero de Hurnpach Levtwinus frater suus Vlricus de Fuert Chunradus frater suus Cholomannus et Andreas fratres et cives in Stain et alii quam plures Actum et datum in Choetwico anno domini MCCXCIII VI idus iulii indictione VI