Charter Document - 03860125
| Charter Number: | 03860125 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Chunradus dei gracia sancte Salzburgensis ecclesie archiepiscopus apostolice sedis legatus tenore presencium profitemur quod redditus sex solidorum denariorum Salzburgensium in Mayrhouen dilecto fideli nostro Friderico Velberio de Sultzowe duximus feodali titulo conferendos eorundem reddituum constituentes pro eodem Velberio presentibus nos auctores quousque prefatos sex solidos redditus a privilegiis Walharii quos iidem redditus pretextu proprietatis respiciunt per aliorum reddituum permutacionem aut alias per absolucionem quamcumque duxerimus redimendos In cuius rei testimonium presentem litteram memorato Velberio dedimus sigilli nostri robore communitam Datum Salzburge anno domini millesimo CC nonagesimo tercio in die beati Bartholomei apostoli