Charter Document - 03860124
| Charter Number: | 03860124 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Notum sit universis litterarum presencium inspectoribus quod ego Hermannus de Wolfkerstorf ob reverenciam beate virginis dei genitricis Marie et ob remissionem delictorum meorum et omnium mihi consanguinitate attinencium unum beneficium situm in Wisendorf monasterio sancte Marie in Choetwico et fratribus ibidem deo famulantibus delegavi libere et absolute perpetualiter possidendum tali iure ut de predicto beneficio Wernhardus in monte et uxor ipsius Gerdrudis et eorum successores annis singulis in festo beati Michahelis triginta et duos denarios servire debeant pro servicio debito et consueto nec steuram neque pernoctationes aliquas de ipso beneficio inpendentes Protestor etiam quod nullum ius advocacie aut alicuius proprietatis ad me vel ad meos heredes in posterum dinoscitur pertinere in beneficio prenotato In cuius rei testimonium presentes litteras ipsis dedi sigilli mei munimine roboratas Testes sunt dominus Fridericus abbas Medlicensis dominus Reinhardus decanus Chulevbensis dominus Vlricus decanus Melicensis dominus Otto de Celking dominus Ludwicus de Celking clominus Otto dominus Marquardus fratres de Wildenstain Wernhardus Dittricus Vulfingus fratres de Hevslein Chunradus Hurnpech Vlricus de Fuert Chunradus ibidem Cholomannus et Andreas fratres cives de Stain et alii quam plures Datum Wienne anno domini MCC nonagesimo tercio in vigilia assumpcionis beate virginis