Charter Document - 03860123
| Charter Number: | 03860123 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Notum sit universis literarum presentium inspectoribus quod ego Hertnidus et Helnwicus fratres dicti de Chulevb redditus trium talentorum minus LX denariis sitos in Horbach quos ad monasterium sancte Marie in Choetwico didicimus pertinere et nos minus debite hactenus cognovimus possedisse in potestatem predicti monasterii resignavimus absolute a venerabili in Christo patre ac domino Heinrico eiusdem monasterii abbate ipsa bona prehabita suscipientes tantummodo ad tempora vite nostre protestantes ut quando dominus nos vocaverit de medio huius mundi predicta bona integraliter et perfecte absque contradictione qualibet nostrorum heredum ad predictum monasterium libere revertantur In cuius rei testimonium presentes litteras sigillo domini nostri domini Chunradi de Sumerowe petivimus consignari Testes sunt dominus Otto dominus Marquardus fratres de Wildenstain dominus Chunradus iunior de Sumerowe item Heinricus frater suus Wernhardus Dittricus Wlfingus fratres de Hevslein item dominus Rudolfus miles dictus Volo dominus Alabrandus dominus Reimboto Gevbardus Vrevl Rudigerus Vrevl milites Freiclo Meylower Fridericus de Levnperg Albero frater suus Chunradus de Hurnpach Leutwinus frater suus Vlricus de Fuert et alii quam plures Actum et datum in Chotwico anno domini MCCXCIII in die beate Afre martyris