Charter Document - 03860118
| Charter Number: | 03860118 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Leutwinus dictus de Sunnenberch necnon uxor mea d[omina El]yzabet tenore presencium profitemur omnibus hanc litteram inspecturis quod propter necessitatem inminentem [domino] Rugero dicto de Prant socero meo necnon domine Margarete mee socrui bona voluntate nostrorum hered[um om]nium accedente consensum dedimus ut omnes possessiones suas in Goznich sitas cum omni i[ure] quod in ipsis bonis hactenus possederunt libere et quiete domino Heinrico venerabili abbati totique conventui f[rat]rum monasterii sancte Marie in Choetwico pro quadraginta et quinque libris denariorum venderent perpetualiter p[os]sidendas protestantes quod prelibate possessiones prenominato domino Rugero patri sueque coniugi domine Margarete matri uxoris mee commutacione bonorum sitorum in Schonenstraze et in Rotenlaim per dominum Heinricum dictum de Liechtenstain facta in equivalenciam sunt donate que possessiones predictam dominam Margaretam iure hereditario respicere noscebantur Renunciamus itaque cum omnibus nostris liberis et heredibus onmi iu[ri] quod nobis in eisdem possessionibus racione hereditatis aut advocatie in expectacione hereditaria competere videbatur Ne igitur in posterum per nos aut nostros heredes genitos et gignendos predicto domino abbati aut congregacioni fratrum eiusdem monasterii Choetwicensis alicuius impeticionis aut erroris scrupulus oriatur nos in tutelam et defensionem quod vulgariter gewer et scherm dicitur iuxta terre consuetudinem in b[oni]s prehabitis predicto monasterio obligamus in testimonium et cautelam presentem litteram meo sigillo [sigill]is que virorum nobilium hic appensis confirmando Testes huius rei sunt dominus Pilgrimus de [Capella] dominus Wichardus Heusler plebanus in Neleub dominus Heinricus plebanus in Sechsen item ministeria[les dominus] Leutoldus de Chunring eiusdem cenobii advocatus dominus Vlricus de Capella dominus Otto de [Volkensdarff] dominus Vlricus de Hovs dominus Eberhardus Harlunch dominus Wernhardus de Russpach dominus [Heinricus de] Trovn dominus Vlricus de Smida Chunradus de Cappella Wernhardus Dittricus Wlfingus dic[ti fratres de He]uslein Otto Marquardus fratres de Wildenstain Chunradus Leutwinus [de Horenpach Albero Leutwin]us de Hurnpach Chunradus Vlricus [de Fuert] Colomannus Andrea[s Hiltperus et alii quam plures D]atum in Sunnenberch anno domini MCCLXXX nono i[n die beati Mauricii martyris et sociorum eius]