Charter Document - 03860114
| Charter Number: | 03860114 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1288 |
| Date type: | Internal, A.D., Calendar |
| Resource Link(s): |
Monasterium.net |
Charter:
Notum sit universis presentibus et futuris ad quos presens scriptum pervenerit quod ego Siboto dictus de Arnstein Chunradum Huernpach de Dietmarstorf cum omnibus heredibus suis iam natis et in posterum nascituris ob omni debito servitutis unacum meis coheredibus libere relaxavi ipsum Chunradum et omnes suos heredes ecclesie beate Marie in Choetwico ob remissionem peccatorum meorum ac parentum meorum voluntarie offerendo recognoscens inpeticionem meam qua ipsum indebite in petebam nullo modo fore debitam neque iustam cum quondam meus dilectus genitor domnus Otto nec non mea predilecta genitrix domina Gerdrudis cum omnibus ipsorum heredibus prenotate ecclesie ipsum Chunradum obtulerint manumissum spontanea voluntate Ne igitur prefatus Chunradus aut sui heredes per me aut meos coheredes videlicet fratrem aut sorores et ipsorum heredes aut meos heredes si quos in posterum me contigerit procreare alicuius gravaminis molestiam pro inpeticione servitutis prehabite in posterum paciantur prelibate ecclesie nec non ipsi Chunrado prehabito et suis heredibus pro centum marcis argenti Wiennensis ponderis statim persolvendis me et omnes possessiones meas in Austria sitas fide data manibus domini Heinrici dicti de Mevrling tunc venerabilis abbatis prenominati monasterii obligavi hoc addito quod ipse Chunradus ac sui heredes libertate sibi per me ac meos coheredes tradita et concessa libere perfruantur Veruntamen si aliquis ipsorum coheredum scilicet frater aut sorores nec non ipsorum heredes atque mei si quos pro creavere prenominatum Chunradum Huernpach ac suos heredes gravare insuper presumpserit illud gravamen meis laboribus et expensis accrescentibus debeo ad voluntatem ipsorum Chunradi videlicet et suorum heredum plenarie complanare Ut autem predicta manumissio per me ac meos coheredes et heredes in posterum inviolabiliter observetur presentem litteram sigilli proprii ac sigillorum dominorum subscriptorum scilicet domini Leutoldi de Chunring pincerne Austrie domini Chunradi de Sumerowe mei patrui Chunradi mei fratris iussi munimine roborare Testes huius rei sunt Otto et Marquardus fratres domini de Wildenstain Wernhardus Dietricus Wlfingus fratres ac domini de Heuslein Heinricus et Chunradus fratres dicti de Reicholtsperg a Ortolfus Albero Leutwinus fratres de Huernpach Chunradus et Vlricus fratres de Fuert Vlricus filius domini Hugonis Chunradus ibidem et alii quam plures Acta sunt hec in Choetwico anno domini MCCLXXX octavo indictione prima XV kalendas maii