Charter Document - 03860113

Wernhardus dei gratia ecclesie Pataviensis episcopus universis Christi fidelibus salutem in omnium salvatore salvatoris nostri Iesu Christi qui verbo pariter et exemplo ad pietatis et misericordie opera nos invitat Cupientes monita et precepta quantum ab ipso datore omnis boni datum et concessum nobis fuerit imitari omnibus piis locis et religiosis et precipue in nostra dyocesi constitutis benigno favore et congruis promocionibus adesse volumus quantum possumus et debemus Nostroruni vero predecessorum exemplis instructi qui ecclesiam sancte Marie in Choetwico ordinis sancti Benedicti nostre dyocesis propriis sumptibus a primevo tempore construxerunt tandem ipsam ecclesiam piis muneribus ac devotis donacionibus dotaverunt predictam ecclesiam et nostris beneficiis honorare semper intendimus et ad obtinendas largiciones et beneficia a quibuscumque Christi fidelibus quantum cum deo possumus promovere Cupientesa igitur ut predicta ecclesia congruis honoribus frequentetur omnibus vere penitentibus et confessis qui ad dictum monasterium in festivitatibus subscriptis videlicet nativitatis domini resurrectionis et ascensionis in adventu Spiritus sancti paracliti in singulis festis beate Marie virginis ac patronorum singulorum altarium ibidem in anniversario die dedicacionis monasterii memorati atque per octavas festorum omnium predictorum causa devocionis accesserint vel ad fabricam prefati monasterii manus porrexerint adiutrices de omnipotentis dei misericordia et beati Stephani prothomartyris patrocinio confisi quadraginta dies de iniuncta sibi penitentia misericorditer in domino relaxamus ratas insuper et gratas habentes indulgencias quas reverendi in Christo patres ac domini archiepiscopi episcopi benefactoribus predicte ecclesie concesserunt presentibus perpetuo valituris Datum Neunburge anno domini MCCLXXX octavo XIIII kalendas marcii