Charter Document - 03860109
| Charter Number: | 03860109 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1286 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Irnfridus iudex in Chrems et universitas civium iuratorum in Stain universis presencium litterarum inspectoribus profitemur quod donimus Heinricus venerabilis abbas ecclesie Choetwicensis eiusque successores imperpetuum ex antiquo iure quod ipsis et suo monasterio recognoscimus unanimi consensu et bona voluntate nostra omnium accedente habent et habebunt plenam potestatem vendendi viginti carratas vini per denariatas singulas in sua curia sita in Stain omni anno quandocumque ipsis videbitur oportunum Nullam insuper penitus steuram ab ipsis inposterum de prenominata curia requirentes nisi magna et generalis necessitas ad muri confirmacionem pro communi utilitate hoc expostulet et requirat tunc quicquid universitas pro muri restauracione fecerit in numero communitatis secundum estimacionem aliarum domorum ipse dominus abbas faciet de curia prenotata Ne igitur super prefato iure in posterum aliqua ambiguitas valeat suboriri presentes ipsis damus litteras nostro sigillo personali et sigillo civitatis in Stain munimine roboratas Testes huius rei sunt dominus Rinoldus decanus Chremsensis dominus Pilgrimus de Capella ecclesie Pataviensis canonicus dominus Wichardus Heuslarius plebanus de Hofsteten item ministeriales dominus Stephanus de Missowe marschalcus Austrie dominus Vlricus de Capella dominus Otto de Celking Vulfingus Heusler Otto de Wildenstein Marquardus frater suus item cives de Chrems dominus Gozo Rudlo antiquus iudex Liebmannus Vlricus filius suus Walchunus in foro item cives in Stain Levpoldus Siboto fratres domini Gozonis Heinricus Seuelder Chunradus Durst Chunradus Hilper Hilperus Cholomannus et Andreas fratres et alii quam plures Acta sunt hec in Chrems in domo fratrum predicatorum anno ab incarnacione domini MCC octuagesimo sexto indictione XIIII VII kalendas iulii