Charter Document - 03860108
| Charter Number: | 03860108 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Assigned |
| Resource Link(s): |
Monasterium.net |
Charter:
Venerabili viro ac honesto domino Her[manno] abbati in Cotwico totique conventui dicte ecclesie Alramus dictus Hertweigesstain promptissimam ad quevis beneplacita voluntatem Amicicia nec non fraternitas inter nos de vestra gratia que huc usque laudabiliter est nutrita a nobis debet iudiciis aliquibus et bonis operibus illustrari Hinc est quod probitati vestre presentibus declaramus quod vobis et vestre ecclesie feodum nostrum in Munchofen situm quod singulis anis annis talentum denariorum solvit post mortem nostram in remedia volumus delegare etiam causa nostre uxoris proxime que discessit Presentes vero literas vobis vestreque ecclesie nostro sigillo in testimonium transmittimus sigillatas