Charter Document - 03860107
| Charter Number: | 03860107 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1286 |
| Date type: | Internal, A.D., Calendar |
| Resource Link(s): |
Monasterium.net |
Charter:
De gestis hominum grandis et dura calumpnia oriretur si non a voce testium aut scripti memoria reciperent firmamentum Noverint igitur universi litterarum presencium inspectores quod ego Heinricus dictus Huglingarius et uxor mea Maria filia domini Alrami de Hertwiegstain unam villam incultam in Engelprechts nominatam ad manus virorum venerabilium domini Heinrici reverendi abbatis ac dominorum fratrum conventus ecclesie Choetwicensis per serviciorum negligenciam annis plurimis devolutam ab ipsis recepimus taliter possidendam quod quandocumque divina vocante potencia nos ambo mortis debitum persolverimus prenotata villa cum omnibus attinenciis libera et quieta ab impeticione qualibet nostrorum heredum ad prelibatum monasterium revertetur In cuius rei testimonium presentes litteras sigillo domini Leutoldi de Chunringe et sigillo domini Alrami de Hertwiegstain ipsis dedimus roboratas Testes huius rei sunt dominus Heinricus de Chunring dominus Perchtoldus de Axstain dominus Rugerus de Zaucharn dominus Heinricus de Swelnpach Chunradus Wolfreuter Rugerus Grueber Chunradus Hinterpurger Heinricus Chezzer Fridericus gener Gruebarii Andreas Cholomannus et alii quam plures Acta sunt hec in Choetwico anno dominice incarnacionis MCCLXXX sexto indictione XIIII XII kalendas augusti