Charter Document - 03860106
| Charter Number: | 03860106 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1286 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ne gesta hominum per successionem temporis ab ipsorum mentibus evanescant virorum prudentum sollercia decrevit sua negocia voce testium et scripti memoria perhennare Noverint igitur universi ad quos presens scriptum pervenerit quod ego Alramus humilis miles dictus de Hertwigstain ob remedium anime mee et omnium predecessorum et successorum in consanguinitatis linea mihi attinencium bona voluntate mearum filiarum Marie videlicet et Katerine et aliorum nostrorum heredum accedente viris venerabilibus et religiosis videlicet domino Heinrico reverendo abbati ecclesie Chotwicensis ceterisque fratribus in eodem monasterio deo famulantibus unius talenti redditus in Munichhoven positos me sano et incolumi existente delegavi perpetualiter possidendos Ne igitur per meorum heredum aliquem prenominato monasterio in pretaxatis redditibus aliqua possit inposterum calumpnia suboriri ipsis dedi presentes litteras sigillo domini Leutoldi de Chunring et sigillo proprio roboratas Testes huius tradicionis sunt dominus Heinricus de Chunring dominus Perchtoldus de Axstain dominus Rugerus de Zaucharn dominus Heinricus de Swelnpach Chunradus Wolfreuter Rugerus Grueber Chunradus Hinterpurger Heinricus Chezzer Fridericus gener Grubarii Andreas Cholomannus et alii quam plures Acta sunt hec in Choetwico anno dominice incarnacionis MCCLXXX sexto indictione XIIII XII kalendas augusti