Charter Document - 03860105
| Charter Number: | 03860105 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Explanation |
| Date: | 1286 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Gozzo de Chrems in multorum bonorum virorum presencia constitutus volensque ad sanctorum apostolorum Petri et Pauli limina sanus per dei graciam et incolumis proficisci publice profiteor et aperte protestor quod decimas in Stretzinge quas ab ecclesia teneo Chotwicensi pro vite mee temporibus debeo tantummodo possidere et meo iuxta dei providenciam obitu intellecto dicte decime pleno iure ad memoratam Chotewicensem ecclesiam revertentur nec quisquam heredum meorum sibi ius aliquod vendicare debebit aut poterit in eisdem In cuius rei memoriam presentem feci litteram sigilli mei karaktere in evidens testimonium consignari Datum Chrems anno domini MCCLXXX sexto III kalendas februarii indiccione XIIII