Charter Document - 03860099
| Charter Number: | 03860099 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Internal, A.D. |
| Resource Link(s): |
Monasterium.net |
Charter:
Nos Irnfridus dei gracia canonicus Pataviensis ecclesie archydiaconus Austrie decanus in Chrems presentium testimonio profitemur omnibus hanc paginam inspecturis quod decime vini iuxta civitatem Chremensem in situ qui vulgariter dicitur deuchurzen Taillant quas ad vite nostre tempora possidemus pro una sui medietate ad monasterium pertinent Choetwicense reliqua sui medietate ad Pataviensem ecclesiam pertinente Sunt itaque dicte decime post earum absolucionem seu vacacionem inter memoratam Pataviensem ecclesiam et ipsum monasterium equaliter dividende quod ad caucionem futurorum periculorum litteris presentibus fecimus annotari nostre plene compotes racionis ne per oblivionem seu maliciam hominum dicto monasterio preiudicium generetur sigilli nostri caracterem eisdem in evidens testimonium imprimentes Datum Chrems anno domini MCCLXXXV ydus iulii indiccione VIII