Charter Document - 03860098

Nos Hermannus divina miseratione abbas ecclesie Chotovvicensis omnibus ad quos presens scriptum pervenerit salutem in domino Rogati per reverendum in Christo patrem et dominum dominum Wernhardum venerabilem prepositum ecclesie Vorovensis ex una parte et Dytmarum plebanum de Hainvvelde ex altera parte ut contractum infra scriptum celebratum inter ipsos nostris litteris firmare curaremus quod et fecimus eorum precibus annuentes Noverint igitur universi presentes litteras inspecturi quod idem dominus noster venerabilis prepositus Vorovvensis de voluntate et unanimi consensu totius conventus sui curiam eorum in Haunvelde extra forum sitam dicto Dytmaro plebano ibidem iure civili contulit sub hac forma ut ipsam curiam infra triennium instauret edificiis necessariis et honestis insuper in festo beati Bartholomei apostoli singulis annis unum talentum novorum denariorum Wiennensium pro iure civili ut premisimus una cum ceteris omnibus servitiis que alii coloni eorum ibidem solvunt et ad consuetudinem provincie approbatam solvat et ipse plebanus de curia eadem Qui si ullo tempore negligens fuerit in premissis ad modum alterius coloni poene pro tali negligentia debite subiacebit Si vero idem plebanus in bis omnibus exsolvendis temeritate sua quod absit tentaverit reluctari et post trinam admonitionem que sex hebdomadarum currit spatio non correxerit huiusmodi contumaciam et errorem ex tunc omnino iure suo cadat et dicta curia cum omnibus sibi attinentibus ad dominum prepositum et ecclesiam suam libere devolvetur Preterea si processu temporis ipsum Dietmarum plebanum quocunque casu emergente ius quod in eadem curia obtinet contingat vendere tenetur ex promisso eandem venditionem ipsis primitus exhibere et minore pretio quam extraneo curiam ipsi dare prout boni et honesti viri inter ipsum dominum prepositum et ecclesiam suam ex una et sepe dictum plebanum ex altera parte fuerint arbitrati quam si forte tunc temporis dominus prepositus emere non valuerit aliquibus obstaculis prepeditus eidem Dietmaro plebano non licebit ius suum alicui vendere preter ipsius domini prepositi licentiam specialem In cuius rei testimonium presentem paginam sigilli nostri karaktere communimus Datum in Chotevvico anno domini MCCLXXX indictione octava Testes vero qui sunt in instrumento domini prepositi etiam hic notamus dominus Hermannus decanus dominus Duringus plebanus dominus Ditericus custos dominus Conradus camerarius magister Siboto Waltherus teloniarius Wlvingus Stadeler Sidlo pistor Eberhardus officialis Fridericus Wchs Leutoldus Pringez et alii quam plures