Charter Document - 03860094
| Charter Number: | 03860094 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D., Calendar |
| Resource Link(s): |
Monasterium.net |
Charter:
Noverint universi tam existentes quam posteri quod ego Gerdrudis de Arnstein de consensu Chvnradi primogeniti mei aliorumque heredum meorum omne ius quod in persona Chvnradi de Hvrnpach ratione homagii sive proprietatis habui a meis progenitoribus successione hereditaria derivatum ad peticionem et instanciam reverendi domini Helnwici abbatis de Chotewico beate Marie perpetue virgini eiusdem ecclesie Choetwicensis patrone dedi et obtuli pleno iure resignans ex nunc omnem possessionem que michia et heredibus meis in ipso competere videbatur recipiensque ab ipso Chunrado vice concambii triginta libras denariorum monete usualis pro quibus sepe dictum Chvnradum cum filiis vel filiabus quos vel quas susceperit racione homagii seu proprietatis sine contradictione qualibet dedi ad ecclesiam Chotwicensem Et ne super predictis ex parte liberorum seu aliorum propinquorum meorum ulla contentionis occasio valeat exoriri ego unacum primogenito meo Chvnrado nec non patruo meo domino Chvnrado de Svmerowe ad triginta libras denariorum Wienensium nos caucione fideiussoria obligamus ita ut si quis eidem Chunrado contencionis scrupulus in posterum suscitetur dictas triginta libras demus ecclesie Chotwicensi exceptione omnimoda non obstante In cuius rei testimonium presentem sibi et ecclesie predicte porrigo litteram sigillo mei mariti pie recordacionis domini Ottonis de Arnstein ac patrui mei domini Chvnradi de Svmerowe ceterorumque dominorum quorum nomina subscribuntur in evidens testimonium consignatam Testes sunt dominus Chvnradus de Svmerowe dominus Mengotus de Retelperch dominus Otto de Wazzerberch dominus Wolfkerus de Ynprukke dominus Hainricus miles de Zekkinge dominus Gvndakarus miles de Ayglarn Hainricus iunior de Sumerowe Walchunus dictus Dens iunior Walchunus Dens Fridericus dictus Gavl Vlricus de Walprechtstorf Ortolfus frater suus Siboto de Schoenprvnne Rugerus et Hainricus fratres de Leiben Chunradus et Hainricus de Wihselbach et alii quam plures Datum in Zekkinge anno domini MCCLXX sexto XV kalendas iunii indictione secunda