Charter Document - 03860093
| Charter Number: | 03860093 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D. |
| Resource Link(s): |
Monasterium.net |
Charter:
Nos Helwicus dei gracia abbas Gottwicoruma monasterii notum esse volumus presencium inspectoribus universis quod cum Irnfridus filius domini Gozzonis et Rudlinus de Meurperge cives in Chrems procuratores dicti domini G[ozzonis] reverendo in Christo patri domino Ch[unrado] venerabili Frisingensi episcopo pro se et ecclesia sua universa bona et possessiones que idem Goz in Teyzza a nobis et monasterio nostro iure purchreht possidebat vendidissent videlicet duas curias villicales tredecim areas duo beneficia duo pomeria lacum seu piscinam ibidem et V insulas cum universis attinenciis et iuribus possessionum earundem agris pratis pascuis paludibus arbustis piscaciombus cultis et incultis viis et inviis quesitis et inquirendis nos resignacione eorundem bonorum et iurium ad manus nostramb facta nomine dicti domini G[ozzonis] per eosdem procuratores ipsa bona seu possessiones prenotatas iure purchreht contulimus predicto domino Frisingensi episcopo suisque successoribus perpetuo cum omnibus suis attinenciis possidendas ad censum XXX denariorum Wiennensium annuatim ad quem etiam censum prefatus G[ozzo] easdem a nostro monasterio et a nobis tenuerat hactenus possessiones qui etiam census in die sancti Michahelis anni cuiuslibet est solvendum In cuius rei testimonium presentem cedulam prefato domino episcopo suisque successoribus tradidimus nostri sigilli munimine roboratam Datum aput Wedlingen anno domini MCCLXXVI VIII idus iunii