Charter Document - 03860086
| Charter Number: | 03860086 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1266 |
| Date type: | Internal, Calendar, Papal |
| Resource Link(s): |
Monasterium.net |
Charter:
Clemens episcopus servus servorum dei dilecto filio abbati Sewensis monasterii ordinis sancti Benedicti Salzburgensis diocesis salutem et apostolicam benedictionem Sua nobis dilectus filius abbas monasterii Rothensis petitione monstravit quod cum ipse contraa abbatem monasterii Chotwicensis Pataviensis diocesis super terris possessionibus et rebus aliis ada decanum a thesaurarium eta cantorem ecclesie Salzburgensis litteras apostolicas impetrasset iidem iudices quia dictus abbas Chotwicensis citatus legitime comparere coram in prefixo termino peremtorio competenti contumaciter denegavit propter huiusmodi contumaciam manifestam eundem abbatem Rotensem in possessionem terrarum possessionum et rerum huiusmodi petitarum in iudicio causa custodie induxerunt quam nancisci non potuit propter potentiam et malitiam partis adverse per annum et amplius quapropter idem abbas Rotensis petiit sibi super hoc apostolice sedis providentia subveniri Quocirca discretioni tue per apostolica scripta mandamus quatenus si ita est eundem abbatem Rotensem in earundem terrarum possessionem et rerum inducas et sicut iustum fuerit defendas inductum contradictores per censuram ecclesiasticam appellatione post posita compescendo Testes autem qui fuerint nominati si se gratia odio vel timore subtraxerint censura simili apellatione cessante compellas veritati testimonium perhibere Datum Viterbii VII kalendas iunii pontificatus nostri anno secundo