Charter Document - 03860075

Charter Document - 03860075


Charter Number: 03860075
Cartulary Title: Göttweig Stiftsarchiv Urkunden 1058 - 1899 [1350]
Charter Language: Latin
Charter Origin: Religious
Charter Type(s): Protection
Date: 1246
Date type: Internal, A.D., Calendar
Resource Link(s): Monasterium.net

Charter:

Nos Albero de Chunringe capitaneus Austrie ad universorum noticiam cupimus pervenire quod nos dominus Heinricus abbas Chottwicensis et eiusdem cenobii capitulum universum in advocatum super advocatia quam comes Liutoldus de Pleien in sua quandoque tenuit potestate decreverunt communiter eligendum intercluso videlicet tali pacto quod de advocatia nunc expressa tercius dumtaxat denarius nostris usibus debeat applicari Si vero in eisdem prediis aliquis advena pro aliquo crimine detentus fuerit et idem iuxta debitum puniri debeat pro commissis mediam partem omnium rerum detenti quocumque nomine censeantur nostre similiter vendicabimusa potestati pars vero altera dicto abbati et conventui cedet plene Quod si ultra ius sufficienter expressum nos hommes ipsorum occasione advocatie molestare attemptaverimus aut gravare ex tunc prefatus dominus abbas et conventus habebunt liberam facultatem advocatum alium eligendi Ad hec advocatiam infra fluvium qui Chamb vulgariter nuncupatur et circa Chottans que spectat ad principem terre specialiter et precise prius dictus abbas et conventus nobis taliter commiserunt quod si a futuro terre domino ipsam poterimus optinere ratum habebunt pariter et acceptum sin autem advocatia prelibata de bona nostra voluntate ad terre principem redeat pleno iure Ut autem singula que premisimus inviolabiliter observentur presentem litteram sigilli nostri caractere duximus roborandum testibus qui aderant subnotatis videlicet domino Ortwino de Sancto Iohanne Ramunge de Lengenuelde Chunrado de Rezttinge Hermanno de Minnenbach Heinrico de Richolbesperge Wernhardo de Nettes Arnoldo de Spitz Walchuno Wrch de Chrems Chunrado dicto Seuelder de Stein et aliis quam pluribus quorum hic nomina exprimi non oportet Acta sunt hec apud Chrems anno domini MCCXL sexto IX kalendas septembris