Charter Document - 03860074

In nomine patris et filii et spiritus sancti L[eutoldus] dei gratia comes in Hardeke omnibus hanc paginam inspecturis salutem in domino Ut mentis oblivio cesset et litis occasio gesta hominum solent scripture testimonio roborari Hinc est quod universitati omnium fidelium constare volumus quod nos post gravamina et iniurias Gotwicensi ecclesie per homines nostros aliquando illatas ne indignationem et iram superni iudicis cuius laus est in ecclesia sanctorum contra nos in ultimo examine provocaremus tandem pio mentis affectu quo movebamur circa ecclesias Christi dampnum predicto monasterio irrogatum per nos dignum duximus sibi recompensandum per dignam satisfactionem tali modo quod nos eidem Gotwicensi ecclesie contulimus beneficium unum in Livtoltstal cum omnibus proventibus illius ea ratione quod etiam fratres predicti monasterii mala que homines nostri exercuerunt in bonis ipsorum intuitu dei et respectu nostri servitii relaxarunt et quod nos nullam iurisdictionem in eodem beneficio haberemus deinceps nisia ipsam advocatiam propter deum simpliciter absque fructu Preterea adiunctum fuit ut si procedente tempore nobis et fratribus Gotwicensibus placuerit nos beneficium illud in Livtoltstal propter remotionem loci mutuabimus datis Gotwicensi ecclesie reditibus duorum talentorum in loco qui magis vicinus videatur Et ut ista donatio stabilis fiat et integra presentem paginam sigillo nostro et conventus Gotwicensis necnon et sigillo dilecti patrui nostri comitis Chunradi fecimus roborari testibus idoneis adhibitis Ulricus Vuhsso Henricus Haller Wolframus de Meileinspach Perhtoldus frater eiusdem Vlricus ibidem Herrandus de Naelivb Hartnidus de Werde Henricus sagitarius Rvdgerus Swaeblo Otto Zaendil Livtwinus de Frivntsperch Rvdgerus ibidem Chunradus de Nivneke Henricus frater eius Rvdgerus ibidem Chunradus de Nivneke Henricus frater eius Rvdgerus Zengir Henricus Grillo Ditricus notarius Acta sunt hec anno dominice incarnationis millesimo CCXLIII