Charter Document - 03860073
| Charter Number: | 03860073 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Royal |
| Charter Type(s): | Protection |
| Date: | 1237 |
| Date type: | Internal, A.D. |
| Resource Link(s): |
Monasterium.net |
Charter:
Fr[idericus] dei gracia Romanorum imperator semper augustus Ierusalem et Sicilie rex Per presens scriptum notum fieri volumus universis imperii fidelibus tam presentibus quam futuris quod nos venerabilem abbatem de Chotwic fidelem nostrum monasterium ipsum personas ibidem domino famulantes cum bonis et iuribus suis que iuste tenent et possident et in antea iusto aquisicionis titulo poterunt adipisci divine remuneracionis intuitu quo personas deo dicatas respicimus sub nostram et imperii protectionem recepimus specialem mandantes et precipientes universitati nostre firmiter et districte quatenus nullus sit qui dictum abbatem cum suo monasterio et personis ibidem deo famulantibus quam bonis et iuribus suis que racionabiliter possidet presumat contra huius protectionis nostre tenorem aliquatenus molestare Quod qui presumpserit indignacionem nostri culminis se noverit incurrisse Ad huius itaque protectionis nostre memoriam et robur in posterum valiturum presens scriptum fieri et sigillo maiestatis nostre fecimus communiri Datum apud Wyennam anno domini millesimo ducentesimo trecesimo septimo mense ianuarii decime indictionis