Charter Document - 03860048
| Charter Number: | 03860048 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1210 |
| Date type: | Assigned |
| Resource Link(s): |
Monasterium.net |
Charter:
Ut factum nostre etatis transeat in noticiam future posteritatis necesse est scriptum fieri tenacis recordationis Quapropter ego Otto Ratisponensis ecclesie advocatus tam presentibus quam futuris constare volo quod homines mei sub nomine meo tam de meis quam de meorum clientum vineis debitas decimas Kottwicensis ecclesie retinuerint nescio quo errore inducti dicentes quod nisi mediam carradam solvere deberent Que negligentia dum usque ad mea tempora duraret tum intuitu iusticie tum propter reverentiam domini M[anegoldi] Pataviensis episcopi tum etiam propter devotionem domini Wezelini abbatis et conventus concessi ut debite decime tam de meis quam de meorum vineis cultis et incultis totaliter secundum quod iustum est persolvantur Huius rei testes sunt Otto scriba Pataviensis canonicus Heinricus de Sancto Christophoro ipsius advocati notarius Albertus de Chulivbe a Livtoldus de Hohenstovffe Otto dapifer advocati Ebergerus de Rapotenchirgen Otto et Chunradus de Winden Arnoldus de Sancto Ypolito Pernholdus iudex de Sancto Ypolito