Charter Document - 03860046
| Charter Number: | 03860046 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1209 |
| Date type: | Assigned |
| Resource Link(s): |
Monasterium.net |
Charter:
Ego Wezelinus abbas dei gratia ecclesie Kotwicensis et totus conventus constare volumus omnibus nostre posteritatis hominibus quod de communi consilio cum abbate et confratribus de Paumgartenberge convenimus quod pro decimis vini quas de duodecim iugeribus in monte Limperch infra limites parrochie Chremis annuatim persolvere deberent pensionem unius talenti annuatim in festo sancti Martini persolvant Ut ergo tam nobis quam ipsis pactum huius rei ratum habeatur in successionibus nostris pro memoriali cartulam istam conscripsimus et sigilli utriusque partis inpressione pro certitudine rei munimus