Charter Document - 03860043
| Charter Number: | 03860043 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1207 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Liupoldus dei gracia dux Austrie et Stirie omnibus Christi fidelibus imperpetuum Ea principum debet esse munificentia ut pro statu ecclesiarum pia deliberatione commoveantur videlicet ut possessiones ecclesiis divinitus collatas non solum defendere studeant sed etiam lites in ecclesiis ortas rationabiliter determinare et componere diligenter intendant Quapropter litem duorum monasteriorum Medilicensis et Gotwicensis pro quibusdam possessionibus in villa que dicitur Mirs exortam religiosis viris abbatibus de Sancta Cruce Wernhero et de Zwetel Richero et prepositis de domo Sancti Ypoliti Sigahardo archipresbytero et Sancti Floriani Ottone transactione determinandam dignum duximus committere ut ipsi utriusque partis allegationibus cognitis et privilegiorum ratione diligentius considerata liti secundum cognitam rei veritatem finem imponerent Cuius transactionis modus talis fuit quod abbas Gotwicenssisa domnus Wezilo de coniventia sui capituli de triginta libris monete Wiennensis abbatem Medilicensem videlicet Renoldum securum reddidit et abbas Medilicensis de consensu eiusdem capituli liti totaliter per exfestucationem abrenuntiavit Ne ergo inposterum de tam rationabili compositione aliqua possit oriri controversia ipsam transactionem inscriptione presentis pagine roboramus et sigilli nostri impressione confirmamus Interfuerunt autem huic facto religiosi viri abbates de Sancta Cruce domnus Wernherus et de Zwetel Richerus et de Aldenburc Adalbertus et prepositi Sigahardus archipresbyter de Sancto Ypolito et Otto de Sancto Floriano et Gotescelcus de Sancto Andrea Bertoldus decanus de Dulnne de capellanis nostris Chovnradus de Rvspach et Duto de Haemburc et magister Arnoldus de Sancta Petronella Pilgrimus de Albrechtsperge Heinricus de Widen Otto de Marchwartsurwar Sifridus de Mutarn Heinricus de Chovliube Otto de Ancinberge Chovnradus de Hohenstaufe Menhardus de Imcinstorf Adalbertus Chrebespach Gotfridus de Radilinperge Wirnto de Palte Wodalricus de Horinbach