Charter Document - 03860034
| Charter Number: | 03860034 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1151 |
| Date type: | Internal, Episcopal, Regnal |
| Resource Link(s): |
Monasterium.net |
Charter:
In nomine sancte et individue trinitatis Eberhard Salzburgensis ecclesie archiepiscopus Uuernhero Chotuuicensi abbati in perpetuum Cum ex officio divinitus nobis iniuncto iura ecclesiarum conservare debeamus ad litem dirimendam et ad pacem reformandam inter illas ecclesias et ecclesiasticas personas que a veneranda sede Romana nostro iudicio specialiter commendantur propensiori cura invigilare debemus Unde auctoritate domini pape Eugenii muniti controversiam illam que inter venerabiles fratres nostros Uuernherum abbatem de Chotwich et Lutherium abbatem de Rote de quibusdam possessionibus agitabatur terminandam suscepimus Utramque igitur partem ad nostram presentiam evocantes allegationibus hinc et inde diligenter et sufficienter auditis et plenarie cognitis cum litem sententia terminare intenderemus placuit utrique parti amicabili compositione convenire et controversiam que inter eos ventilabatur transactione terminare Modus autem transactionis hic est Wernherus abbas de Chotwich de viginti libris Ratisponensis monete Lutherium abbatem de Rote securum redidit et L[utherius] consilio seniorum monasterii sui liti quam de villa que Suarzaha dicitur et de aliis possessionibus de quibus inter eos discordia erat per exfestucationem abrenuntiavit quam transactionem ex peticione utriusque partis suscepimus et consilio ecclesie nostre nostra auctoritate confirmavimus Ne igitur pravorum hominum machinatione hec in posterum a sua firmitate avelli possint in scriptis redigere et sigilli nostri inpressione firmare curavimus Igitur fili karissime Uuernhere abbas Chotwicensis monasterii te et omnia que ad te spectant amplectentes fovemus et manu tenere disponimus sed et cuncta que largitione fidelium tue ecclesie collata vel adhuc conferenda sunt sub tuitione nostra comprehendimus et corroboratione presentis pagine stabilimus Nomina autem eorum qui presentes fuerunt hec sunt Romanus Gurcensis episcopus Henricus abbas Sancti Petri Hugo prepositus maioris ecclesie Henricus prepositus Berthersgadimensis Wernhardus Uormbacensis abbas Otto prepositus Raitinburgensis Comes Gebehardus de Burchhusen comes Siuridus de Liubenowe comes Chunradus iunior et frater eius Siuridus de Pilstein comes Liutoldus de Plaien Piligrimus de Wolmutsa Erchinbertus de Mosebach Turinch de Weruen Ekkehardus de Tanna Lutwinus castellanus Hartnidus et frater eius Marchuardus de Uzeliuge Liupoldus de Walde Ego Eberhardus archiepiscopus subscripsi Ego Heinricus abbas subscripsi Ego Hvgo prepositus subscripsi Ego Henricus decanus subscripsi Acta autem sunt ista anno MCLII indictione XIIII anno pontificatus nostri V regnante Chunrado anno regni eius XIII mense decembrio in civitate Iuuauiensi