Charter Document - 03860030
| Charter Number: | 03860030 |
|---|---|
| Cartulary Title: | Göttweig Stiftsarchiv Urkunden 1058 - 1899 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1141 |
| Date type: | Internal, A.D. |
| Resource Link(s): |
Monasterium.net |
Charter:
Notum sit omnibus sancte matris ecclesie filiis quod ego Reginbertus dei gratia Pataviensis episcopus anno dominice incarnationis millesimo CXLI indictione IIII dedicavi ecclesiam Graze ea videlicet ratione ut sub termino prediorum Wichardi de Schriche et post eum Grimonis homines siti vel possessionem habentes baptismum sepulturam et cetera christianitatis sue sacramenta in eodem loco accipiant siquidem cum ego prefate Pataviensis ecclesie episcopus Reginbertus in die dedicationis eiusdem ecclesie homines antiquissimos termini predicti sacramento constrinxerim ut terminos legitime discernerent Nichilominus etiam de villa Niwendorf sita in parrochia Sicindorf omnem decimam ad me episcopali iure perpinentem eadema auctoritate confirmavi Preterea in villa que dicitur Bigartin de predio Dietmari decimam nostri iuris simili modo dedimus Hec itaque que ego in nostro tempore et reliqua que venerabiles episcopi antecessores mei videlicet Altmannus Ovdalricus Reginmarus pro salute anime sue fratribus Kotewigensis cenobii dederunt et auctoritate episcopali stabiliendo confirmaverunt ego quoque sperans partem eterne beatitudinis me cum eis habiturum similiter confirmo Et ut huius confirmationis sententia stabilis et inconvulsa maneat sigilli nostri inpressione sancimus Si quis igitur nostre auctoritatis confirmationem infringere presumpserit vel violare voluerit sub anathematis maledicto perpetue pene periculo damnetur